Heeltyd speeltyd!
Tussendeur die vertonings is daar natuurlik tyd om lekker te speel op die springkastele en om Fun Galore se klimrame te beproef en hulle duursame speelgoed uit te toets. Hierdie veelsydige speelgoed word ook te koop aangebied. Gesonde liggaamlike aktiwiteite om die kinders mee besig te hou.
Kinder-oppasdiens op die feesterrein
Die ATKV Laeveld-tak bestuur Woelwaters se aktiwiteite en ouers kan hul kinders met ’n geruste hart hier in die bekwame hande van hierdie knap span laat. Kleintjies moet in- en uitgeteken word, maar die groter kinders is welkom om te kom en gaan soos hulle wil.
’n Kinder-oppasdiens is ook daagliks beskikbaar. Ouers wat graag ’n produksie wil bywoon of net in vrede tussen die stalletjies wil gaan stap, kan gerus van hierdie diens gebruik maak. Vir die kleinspan wat ingeteken is, is daar tydens middagete heerlike eetgoed beskikbaar – moontlik gemaak deur SUNBAKE.
Daar is ook ’n aand-oppasdiens. ’n Kinder-DVD, inkleurgoed en speletjies hou die kleingoed besig en daar is matrassies waarop hulle kan slaap. Bekwame personeel sien na die kleintjies om teen ’n billike tarief.
Vir enige navrae skakel 082 321 6311
Produksie Inligting
Plek: Woelwaters op die Innibos feesterrein
Prys: Ingesluit in jou feesterrein toegangsfooie.
Woelwaters is die ideale plek waar die kleinspan kan kom speel en hulle gate uit geniet. ’n Propvol vermaakprogram met baie pretaktiwiteite word van 11:00 tot 17:00 aangebied en dit is heeltemal verniet! Toegang tot Woelwaters is gratis.
